Teſte : & il l’aſſura qu’ils auoient reſolu de le tuer le lendemain dans ce meſme Iardin, où Aronce auoit entendu leur conteſtation : car ils auoient ſçeu que c’eſtoit la couſtume de Clelius, d’y aller preſques tous les ſoirs, & d’y aller bien ſouuent ſeul. Cét homme adiouſta pourtant, que lors qu’Aronce les auoit entendus, il auoit ſenty vn remords eſtrange de l’action qu’il vouloit faire : mais qu’apres tout, comme ſon Compagnon eſtoit le plus déterminé de tous les hommes, il eſtoit fort aſſuré qu’il ne l’euſt pas perſuadé : & que le iour ſuiuant il euſt executé le commandement de Tarquin, quand meſme il euſt deû l’executer ſeul. En ſuite il teſmoigna vn ſi grand repentir de ſon crime, & demanda tant de pardons de ſa faute, que Clelius ſçachant par Aronce, qu’effectiuement il s’eſtoit oppoſé à l’intention de ſon
