Compagnon, luy pardonna genereuſement, & luy donna de quoy aller chercher la Guerre hors de la puiſſance de Tarquin. Mais pour le Complice de ſon crime, il en vſa d’vne autre ſorte : car il ne vouloit point qu’on le penſaſt : & quand on l’eut penſé par force, il deſchira tous ſes Bandages ; il ne voulut meſme prendre aucune nourriture ; & quoy qu’on luy pûſt dire, il ne voulut iamais reſpondre à Aronce & à Herminius, qui furent l’interroger, pour voir s’il n’en ſçauoit point dauantage que l’autre. Au contraire il fit tout ce qu’il pût pour s’eſcraſer la Teſte contre vne Muraille : & il mourut enfin comme vn enragé, à qui le regret de n’auoir pû executer le crime qu’il auoit promis de commettre, & la veuë d’vne mort prochaine, ne donnoient que des penſées de fureur. Cependant Sulpicie ne per-
