ſequence, qu’Aronce le doit ſçauoir auant que nul autre le ſçache : mais afin de n’agir pas legerement, dittes nous ie vous prie, tout ce que vous ſçauez de la maniere dont il fut ſauué. Si bien que comme ie l’auois entendu raconter pluſieurs fois à Clelius, ie luy marquay le iour de ce naufrage ; ie luy dis l’endroit où il eſtoit arriué ; ie luy dépeignis le Berçeau dans quoy Aronce auoit eſté trouué ; car Clelius me l’auoit montré, lors qu’on l’auoit retrouué dans ce Vaiſſeau de Corſaires. Ie luy parlay auſſi de cette Caſſette pleine de Pierreries, qui eſtoit alors venuë en la puiſſance de Clelius : & ie luy dis enfin tout ce que ie ſçauois de cette auanture : adiouſtant en ſuite beaucoup de loüanges d’Aronce, qui luy faiſant connoiſtre que i’eſtois effectiuement ſon Amy particulier, l’obligerent à parler plus librement deuant moy. De
