Cette page a été validée par deux contributeurs.
tant de la perte de ma maiſon, que de la douleur de mon Amy ; que ie le ſuiuis à Capouë ; où il ſçeut dés qu’il y fut qu’Horace n’y eſtoit plus, & que Stenius auoit reçeu vne Lettre de luy. Qu’en ſuite il fut le trouuer pour taſcher de deſcouurir s’il ne ſçauoit rien de Clelie ; qu’il refuſa de le luy dire ; qu’Aronce le força de ſe battre ; qu’il le vainquit ; qu’il luy arracha la Lettre qu’il auoit reçeuë d’Horace, par où il ſçeut qu’il auoit Clelie entre ſes mains, & qu’il la menoit à Perouſe. Si bien que voyant que ſon amour, ſon honneur, & la Nature, vouloient qu’il allaſt en meſme lieu, il reſolut auec Clelius, qu’il partiroit, & il partit en effet. Pour Herminius, comme il auoit quel-
