alors dans ce Chaſteau : mais elle n’y paſſa qu’apres auoir dit à Celere, que c’eſtoit à luy à perſuader à Aronce de ne rien faire qui pûſt détruire les ſoins qu’elle eſtoit reſoluë d’auoir de la ſanté d’vn homme qui auoit ſauué la vie du Prince Mezence, & qui meritoit par luy meſme, qu’on s’intereſſaſt extrémement à la ſienne. Et en effet Celere voulut alors obliger Aronce à ſe contenter de l’enuoyer de ſa part vers le Prince de Numidie qui ſe nommoit Adherbal, pour luy demander ce qu’il ſçauoit de Clelie ; mais il n’y eut pas moyen : & quoy qu’il luy pûſt dire, il ſe fit habiller, & fut en ſe ſouſtenant ſur deux de ſes Gens à l’Apartement d’Adherbal, apres l’en auoir fait aduertir. Mais à peine Aronce fut-il dans la Chambre du Prince de Numidie, que prenant la parole ; ie vous demande pardon Seigneur, luy dit-il, ſi deuant que de vous dire que ie ſuis
