trois fois, & qu’il auoit plus de ſens qu’on ne croyoit : mais apres tout, il ne comprenoit pas dans le tumulte de ſes propres penſées, par quelle raiſon vn homme de tant d’eſprit ſe reſoluoit à paſſer pour eſtre abſolument ſtupide ; ny comment il pouuoit le paroiſtre autant qu’il le paroiſſoit, ayant autant d’eſprit qu’il luy en trouuoit par les choſes qu’il nenoit d’entendre. De ſorte que ſon eſtonnement redoublant de moment en moment, il n’entendit pas que Valerius & Brutus donnoient leur conſentement à ce qu’Herminius leur auoit propoſé. Mais auſſi toſt apres il ouï qu’on frapoit à la porte de ſa Chambre ; ſi bien que la faiſant ouurir par vn Eſclaue qui le ſeruoit, il vit entrer Herminius, qui ſans luy donner le loiſir de parler, Seigneur, luy dit-il, ie viens vous offrir l’amitié des deux plus illuſtres
