que differens, demandoient les meſmes remedes : car Brutus & Valerius ſouhaitant que Rome fuſt deliurée de la Tirannie de Tarquin, ne ſongeoient qu’à luy oſter la puiſſance qu’il auoit vſurpée : Herminnius auoit le meſme intereſt, & en auoit encore beaucoup d’autres : & Aronce voulant deliurer Clelie, & s’empeſcher de tomber entre les mains de Tarquin, ne pouuoit mieux faire reüſſir ſon deſſein, qu’en deſtruiſant celuy qui tenoit ſa Maiſtreſſe Captiue. Ainſi Herminius luy diſant que pour eſperer de pouuoir faire reüſſir vne ſi grande entrepriſe, il falloit qu’il empeſchaſt par les Amis qu’il auoit dans la Cour du Roy ſon Pere, que ce Prince ne ſecouruſt Tarquin, & qu’il falloit qu’il obligeaſt le Roy de Ceres à ſecourir Ardée, ou à faire du moins vne diuerſion, Aronce apres y auoir ſongé dit
