le a veſcu ? comment a-t-il pû ſubſiſter en agiſſant comme s’il ne pouuoit conduire ſon bien ? & comment a-t-il pù viure ſans amour, ſans ſocieté, ſans Amis, ſans plaiſir, & ſans coſolation aucune ? comment a-t-il pû ſouffrir qu’on l’ait traité de ſtupide & d’inſenſé, & comment a-t-il pû reconcer à toute ſorte de gloire ? comment a-t-il pû ſe reſoudre à n’aimer rien, à ne pouuoir iamais eſtre aimé, & à eſtre meſpriſé de tout le monde ? Il eſt vray, dit Aronce, que cela paroiſt incomprehenſible : mais ce qui l’eſt encore dauantage, eſt de voir que Brutus en contrefaiſant eternellement le ſtupide, ait pû conſeruer ce grand & admirable eſprit que vous luy trouuerez tantoſt. Quand vous le connoiſtrez par vous meſme, reprit Herminius, vous en ſerez bien plus eſpouuenté : car comme ie vous l’ay deſia
