de ceder aux raiſons de Iunius, & il luy promit meſme de ne perdre Herdonius que par les voyes de la iuſtice. Il ne laiſſa pourtant pas de s’en deffaire autrement, car il ſuborna vn Eſclaue d’Herdonius, qui ſouffrit durant que ſon Maiſtre eſtoit hors de chez luy, qu’on y cachaſt vn grand nombre d’eſpées, & d’autres armes : apres quoy le fier Tarquin fit hardiment ſon accuſation contre luy : il dit pourtant qu’il eſtoit à propos de s’en aſſurer, & intereſſant tous ceux à qui il parloit par la crainte de leur propre mort, il les perſuada d’aller chercher à s’eſclaircir de ce qu’on luy auoit dit, en allant chercher dans la Maiſon d’Herdonius. Cela fut fait ; & on y trouua les armes que Tarquin y auoit fait cacher, & tant de circonſtances faiſant croire qu’il eſtoit coupable, ceux que Tarquin auoit amenez ex-
