Cette page n’a pas encore été corrigée
dire, elles ſe rendoient conte de leurs plaiſirs, & principalement des nouueaux Amis, ou des nouuelles Amies qu’elles faiſoient. Ainſi Damo receuant vn iour vne Lettre de Bellanire ; elle la montra à Brutus, & luy dit qu’elle auoit grand beſoin de luy pour y reſpondre. Brutus penſant qu’il s’agiſſoit de quelque affaire, dont il pouuoit eſclaircir Damo, ouurit cette Lettre, & y trouua à peu prés ces paroles ; du moins ſçay ie bien que ie n’en changeray pas le ſens.
