de cét Amy de Damo ? ie trouue, reprit Bellanire, que c’eſt l’homme du monde qui a le plus d’eſprit, & que ſi vous pouuez conquerir ſon cœur, vous ferez vne conqueſte digne de vous. Mais au reſte, pourſuiuit elle, pour vous eſpargner & à lui, & à vous, l’embarras des premiers complimens, ie ne vous le preſenteray point regulierement, & i’attendray à le faire que l’occaſion en naiſſe dans la conuerſation. Chryſis conſentant à ce que luy diſoit ſon Amie, ſe mit à luy parler de Damo, qui arriua vn moment apres : mais à peine parut-elle, que Bellanire prenant la parole, de grace, luy dit cette aimable fille, en luy preſentant Chryſis, voyez ſi la cauſe de mon infidelité eſt excuſable, & ſi ie pouuois ſans iniuſtice refuſer mon amitié à vne Perſonne que ie croy meſme digne de la voſtre, qui eſt beaucoup plus precieuſe que la mien-
