du mois d’Aoust, arriua le Duc Iean frere de Christiernus Roy de Danemarc, pour espouser la fille de l’Empereur, il receut de grands honneurs selon le pays : il y auoit quelques deux cens hommes à sa suite : ses Gardes estoient vingt-quatre arquebuziers, et vingt-quatre hallebardiers : trois iours apres son arriuée il eust audience de sa Maiesté, lequel le receut fort amiablement, l’appellant fils : il y auoit vn siege preparé en la chambre de presence au costé de son fils, sur lequel il fut assis : apres l’audience il disna auec l’Empereur à sa table, ce qui ne s’estoit veu auparauant, car c’est contre la façon du pays qu’aucuns horsmis les fils y soient assis : les tables estans leuées fut apres luy auoir faict de riches presens conduict en son logis : quelque quinze iours apres il tomba malade d’vn excez comme l’on tient, duquel il mourut quelque-temps apres : l’Empereur le fut veoir par trois fois auec son fils pendant sa maladie, il le regretta grandement : tous les medecins furent disgraciez : l’Empereur ne voulut permettre qu’il fut embausmé, estant contre leur religion : il fut enterré dans l’eglise des Allemans, deux virst hors de la ville : toute la Noblesse le conduisoit iusques dans ladite eglise, où ils demeurerent iusques à la fin de toute la ceremonie : l’Empereur et toute sa Noblesse en porterent le deüil trois semaines : peu de temps apres mourut l’Imperatrice sa sœur, vefue de l’Empereur Theodore Iuaneuits, elle fut enterrée dans vn Monastere de femmes.
Pendant tout ce temps sa ialousie et soup-