Cette page a été validée par deux contributeurs.
VINGTIESME NOUVELLE
Le sieur de Ryant, fort amoureux d’une Dame veuve, ayant connu en elle le contraire de ce qu’il desiroit & qu’elle luy avoit souvent persuadé, se saisit si fort qu’en un instant le dépit eut puissance d’éteindre le feu que la longueur du tems ny l’occasion n’avoyent sçeu amortir.
.jpg)
u pays de Daulphiné, y avoit un Gentil
homme, nommé le Seigneur de Riant,
de la Maison du Roy François premier,
autant beau & honneste Gentil homme
qu’il estoit possible de veoir. Il fut longuement
serviteur d’une Dame vefve, laquelle il aymoit &
révéroit tant, de paour qu’il avoit de perdre sa
bonne grace, que ne l’osoit importuner de ce qu’il
desiroit le plus.
Et luy, qui se sentoit beau & digne d’estre aymé, croyoit fermement ce qu’elle luy juroit souvent, c’est qu’elle l’aimoit plus que tous les hommes du monde & que, si elle estoit contraincte de faire
