Cette page a été validée par deux contributeurs.
QUARANTE SIXIESME NOUVELLE
De Vale, Cordelier, convyé pour diner en la maison du Juge des exempts d’Angoulesme, avisa que sa femme, dont il estoit amoureux, montoit toute seule en son grainier, où, la cuydant surprendre, alla après, mais elle luy donna un si grant coup de pié par le ventre qu’il trébuscha du haut en bas & s’enfuyt hors la ville chez une Damoyselle, qui aymoit si fort les gens de son Ordre que, par trop sottement croire plus de bien en eux qu’il n’y en a, luy commeit la correction de sa fille, qu’il preint par force, en lieu de la chatier du péché de paresse, comme il avoit promis à sa mère.
n la ville d’Angoulesme, où se tenoyt
souvent le Conte Charles, père du Roy
François, y avoyt ung Cordelier, nommé
De Vale, estimé homme sçavant &
grand Prescheur, en sorte que ung Advent il
prescha en la ville devant le Comte, d’ont il acquist
si grand bruict que ceulx qui le congnoissoient
le convoyoient à grand requeste à disner en
leur maison, & entre aultres ung, qui estoyt Juge