Le texte de cette page a été corrigé et est conforme au fac-similé.
96
L’INQUISITEUR
Le Varlet.
Je ne sens plus nulle avarice ;
Mon cueur brusle de charité ;
L’Inquisiteur.
Je sens orgueil mort & tout vice
Par l’Esperit[1] de vérité.
O puissant Esprit,
O doulx Jésuchrist,
Qui far ta clémence
Et ton sainct Escript
As desfaict, prescript
Mon oultrecuydance,
Je perdz contenance ;
Plus en rien ne pense
Qu’à plaisir & joye ;
Je saulte, je dance,
Et n’ay congnoissance
De ce que j’estoye.
Mon tout mon aistre
En Dieu seul voy estre,
Et moy moings que rien.
Fy du non de maistre
Qui ne peult repaistre
Que d’ordure & fyens !
En Dieu sont tous biens ;
- ↑ Ms. : l’esprit. — M.
