Le texte de cette page a été corrigé et est conforme au fac-similé.
95
L’INQUISITEUR
Dieu seul tient pour père & pour mestre,
Qui est seul aistre[1] & seul pouvoir.
Jacot.
Laissez Adam & son cuyder ;
Sa peau n’est pleine que de vent ;
Hors de sa chair vous fault vuider ;
Lors de tout bien serez sçavant.
L’Inquisiteur.
Ilz ne disent rien d’aventure ;
J’ay tout dedans la Bible leu,
Et leur parolle est si très pure
Que jamais tel sens je n’ai veu.
Le Varlet.
Mais oyez le divin langaige
Que chacun de ces enfans tient ;
L’Inquisiteur.
Je veulx estre enfant, non plus saige ;
Il est heureulx qui tel devient.
Le Varlet.
Mon maistre, je sens dans mon cueur
Divines inspirations ;
L’Inquisiteur.
Et je sens Jésuchrist vainqueur
En moy de toutes passions.
- ↑ Comme plus loin, p. 96, au sens d’être & d’essence. — M.
