Page:Marguerite de Navarre - L’Heptaméron, éd. Lincy & Montaiglon, tome IV.djvu/229

215

DU TOME PREMIER

auroict faict plusieurs dons à lad. chamberière, affin d’estre cause d’empoisonner led. suppliant, laquelle y auroict consenty de prime face & à Pasques s’en seroit confessé aud. Sainct-Aignen, luy en demandant pardon ; aussi l’auroit dict & déclaré aux voysins. Et congnoissant led. Dumaisnil que, la chose mise en avant, en auroit blasme & reprouche, en toute dilligence auroit ravye & enlevée lad. chamberière & l’auroit menée hors le pays, d’ont seroit venu scandalle. Daventaige led. Dumesnil auroict esté trouvé plusieurs foys de nuict guectant ès jardins & à la porte pour occire led. S^t-Aignen comme est commun aud. Allençon par la confession dud. Dumesnil. Lequel Aignen, voyant sad. femme ainsi scandalizée par led. Dumesnil, luy auroit faict remonstrer qu’il eust à soy abstenir de plus venir en sa maison avecques sa femme, & qu’il eust à considerer l’injure & oultraige qu’il luy faisoit, disant qu’il n’en sçauroit plus endurer ; de quoy led. Dumesnil n’avoit voullu entendre, mais déclaré qu’il y frequenteroit malgré tous, & deust il mourir. Lequel Aignen, congnoissant la mauvaise obstination dud. Dumesnil, pour éviter à plus grand inconvénient, auroit laissé la ville d’Allençon, & allé demourer en la ville d’Argentan, distant de dix lieues, où il a mené sad. femme, pensant par cela que led. Dumaisnil se pourroit abstenir, ce qu’il n’auroit faict, ains seroit par plusieurs fois venu en lad. ville d’Argentan, & fréquenté avecq sad. femme, d’ont auroit esté scandalizée aud. Argentan, & ce seroit efforcé led. Sainct-Aignen le destourner ; & pour ce qu’il auroit (sic) la nourrisse de l’enfant dud. S^t-Aignen, auroit par lad. nourrisse remonstré aud. De Mesnil ; ains auroit persévéré, dict & déclaré qu’il feroit mourir led. Sainct-Aignen, & qu’il yroit en Argentein, deust il mourir. Tant que led. Mesnil, le viii^e de ce moys, seroit party d’Alençon à deux ou troys heures du matin, heure suspecte ; se seroit desguisé, prins vestemens contraires à son estat, qui est de la Praticque, ayant cappe de Beart, jaquète de blanchet pardessoubz, toute eschiquetée, une tocque emplumallée sur le chenin (sic), ayant le visaige couvert. Ainsi arriva aud. Argentein, compaigné de deux jeunes hommes logés ès faulxbourgs, enseigne Nostre Dame, où seroit tenu clandestinement depuis xii heures jusques au soir environ unze heures, qu’il demanda à son hoste la clef de la porte derrière pour aller à ses affaires secretz, non voullant estre congneu. Et, à lad. heure suspecte, print son baston à son cousté, se vestit & accoustra desd. vestemens, partit dud. logis avec l’un desd. hommes ; ainsi arriva led. Dumesnil en l’hostel dud. S^t-Aignen, où il trouva façon d’entrer & gangner une garderobe haulte, près la chambre où lesd. S^t-Aignen & sa femme couschent. Icelluy Aignen, ne pensant à cela, ains