Le texte de cette page a été corrigé et est conforme au fac-similé.
83
L’INQUISITEUR
Qui puissent procedder d’enfans ;
Comme dangereuses & folles
Plus en parler je vous deffendz.
Le Varlet.
Mon Maistre, trop prenez à cueur
Les propos de ceste innocence ;
Vous, qui des grans estes vainqueur,
Debvez supporter leur enfance.
L’Inquisiteur.
Enfance ou innocence, las,
Je n’y trouve riens que malice ;
De les battre ne seray las
Si de parler font plus l’office.
Le Varlet.
Laissons les jouer ; passons oultre ;
Plus ne parlent pour ceste foiz ;
L’Inquisiteur.
O que tu es ung bon appostre !
Tu les veulx soustenir ;
Le Varlet.
Non faiz.
Les Enfans chantent tous ensemble :
O Seigneur, que de gens,
A nuyre dilligens,
Qui nous troublent & griefvent !
Mon Dieu, que d’ennemys,
Qui aux champs se sont mis
Et contre nous s’eslièvent !
