Cette page a été validée par deux contributeurs.
210
LA COCHE
Mais en mourant tousjours prest de porter
Ce que luy donne Amour, qui lui suffit.
Nous sommes trois, dont le reconforter
Impossible est : car sans nostre amitié,
Sans mort, tel mal ne sçaurions supporter.
L’une de l’autre ha egale pitié,
Egale Amour, egale fantasie,
Tant que l’une est de l’autre la moitié :
Entre nous trois n’y eut onc jalousie,
Onques courroux, onques diversité.
Si l’une ha mal, l’autre en est tost saisie ;
Du bien, aussi de la félicité,
L’une n’en ha que l’autre n’y ayt part,
Pareillement en la diversité.
