M’espéraunce, mun queor, ma vie,
Ma bele Dame ki m’ama ?
Dunt vient-èle, ki l’amena ?
Or ai pensé mult grant folie,
Bien sai que ceo n’est èle mie.
Femmes s’entresanblent assez,
Por nient chaunge mes pensez,
Mès pur cele qu’èle resanble,
Pur ki mi quors suspire et tranble ;
A li parlerai volenters.
Dunc vet avant li Chevalers,
Il la baisot lez lui l’asist,
Unques nul autre mot ne dist,
Fors tant que seoir la rouvat ;
Mériadus les esguardat,
Moult li pesat de cel sanblant ;
Gugemer apèle en riant.
Sire, fet-il, s’il vus pleseit,
Ceste pucèle asaiereit
Vostre chemise à despléier,
S’èle i poroit riens espleitier ?
Il li respont è jeo l’otrei.
Un Cambrelenc apèle à sei,
Ki la chemise ot à garder,
Il li commande à aporter,
A la Pucèle fu baillie,
Mès ne l’ad mie despléie.
La Dame connut bien le pleit,
Page:Marie de France - Poésies, éd. Roquefort, I, 1820.djvu/122
Cette page a été validée par deux contributeurs.
106
LAI DE GUGEMER.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page122-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)