Cette page a été validée par deux contributeurs.
LAI D’ÉQUITAN.
Mut unt esté noble Barun
Cil de Bretaine li Bretun ;
Jadis suleient par pruesce,
Par curteisie, è par noblesce,
Des aventures qu’ils oieent,
Ki à plusur gent aveneient
Fère les Lais pur remenbrance
Qu’en ne les meist en ubliance.
N’ent firent ceo oï cunter
Ki n’est fet mie à ublier.
D’Equitan qui mut fu curteis
Sire des Nauns jostis è leis.
Équitan fu mut de grant pris
E mut amez en sun païs ;
Déduit amout è druerie,
Pur ceo amot Chevalerie.
Cil met lur vie en une cure
Que d’amur n’unt sens è mesure.
Tels est la mesure de amer
Que nul ni deit reisun garder.
Équitan ot un Séneschal
Bon Chevalier pruz è léal,
Tute sa tere li gardoit,
