Que de espuse n’eust enfant,
Jamès pur Seinur nel’ tendrunt,
Ne volentiers nel’ servirunt
Se il ne fait lur volenté :
Le Chevaliers ad graunté
Qu’en lur cunseil femme prendra ;
Ore esgardent è ceo sera,
Sire, funt-il, ci près de nus,
Ad un Preudum parlé od nus ;
Une fille ad qui est suen heir,
Mut poez tere od li aveir,
La Codre ad nun la Dameisele,
En cet païs ne ad si bele.
Pur le Freisne que vus lairez
En eschange le Codre arrez.
En la Codre ad noiz è déduiz,
Freisne ne porte unke fruiz :
La Pucele purchaserunt
Si Deu plest si la vus durrunt.
Cel mariage unt purchacié,
E de tutes parz otrié.
Allas ! cum est avenéu
Ke li aukun ne unt séu
L’aventure des Dameiseles
Qui esteient sérur gemeles.
El Freisne cele fu celée,
Sis amis ad l’autre espusée.
Page:Marie de France - Poésies, éd. Roquefort, I, 1820.djvu/178
Cette page a été validée par deux contributeurs.
162
LAI DEL FREISNE.
