Ne fu puis guères lungement,
Ceo m’est avis, si cum j’entent,
Qu’à la forest ala li Reis,
Qui tant fu sages è curteis,
U li Bisclaveret fu trovez ;
E il i est od li alez.
La nuit, quant il s’en repeira,
En la cuntrée héberga ;
La femme Bisclaveret le sot ;
Avenantment s’appareilot,
Al demain vait al Rei parler,
Riche présent li fait porter.
Quant Bisclaveret la veit venir
Nul hum nel’ poeit retenir,
Vers li curut cum enragiez,
Oiez cum il est bien vengiez.
Le neis li esracha del’ vis ;
Quei li péust-il faire pis ?
De tute parz l’unt manacié
Jà le eussent tut dépescié,
Quant un sages Hum dist al Rei :
Sire, fet-il, entent à mei ;
Ceste Beste ad esté od vus,
Ni ad ore celui de nus,
Qui nel’ eit véu lungement,
E près de li alé sovent.
Unke mès hume ne tucha,
Ne félunie ne mustra,
Page:Marie de France - Poésies, éd. Roquefort, I, 1820.djvu/210
Cette page a été validée par deux contributeurs.
194
LAI DU BISCLAVERET.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page210-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)