Sor deus blans palefrois anblans,
E mut par eseteint avenans ;
De vermax cendax sunt vestues,
Tut senglement à lor cars nues.
Cil les esgardent volentiers ;
Gauvain od lui trois Chevaliers,
Vait à Lanval, si li cunta,
Les deus Puceles li mustra
Mut fu haitiés furment li prie,
K’il li désist se c’ert s’Amie ?
Celes sunt alées avant
E tut par itel beau sanblant,
Descendirent devant le dois[1]
Là u esteit asis li Rois.
Eles furent de grant biauté
Si unt curteisement parlé.
Rois, faites canbres délivrer,
E de pailes encurtiner
U ma Dame puise descendre,
Car aveuc vus veut ostel prendre.
Il lur otreie volentiers :
Si apela deus Chevaliers,
Es canbres les mainent lassus
A cele fois ne disent plus.
Li Rois demande à ses Baruns,
Le jugement è le respuns,
E dist que mut l’unt curécié,
De çou que tant l’unt délaié.
- ↑ On lit dans le man. crois, la croix, c’est une faute ; Dois, dais est le mot qui convient.
Quant li Roi, fut au Deis assiz,
A la costume del païz.Roman du Brut, cité par Ellis, dans Specimens of the early english poets, tom. i p. 46.
