Elle apercevra notre amur,
Sel’ cuntera à sun Seignur.
Si nus avient cum jeo vus di,
E nus soumes issi traï,
Ne m’en puis mie départir,
Que moi n’en estuet ce morir.
Li Chevalier à-tant s’en vet
En grant joïr sa Dame let ;
El demain liève tute saine,
Mut fu hétiée la semaine :
Sun cors teneit en grant chierté,
Tute recuvre sa biauté.
Or li plest plus à séjurner,
Qu’en nul autre déduit aler ;
Sun ami puet suvent véoir,
E sa joie puet de lui avoir
Dès que ses Sires s’en despart,
E nuit et jor et tost et tart,
Elle l’a tut à sun plésir,
Or l’en doinst Diex longues joïr.
Pur la grant joïe où elle fu.
Que suvent puet voir son Dru,
Estoit tuz ses semblant changiez ;
Ses Sires fu mut vesiez,
En son curage, s’aperceit,
C’autrement ert qu’il ne soleit.
Mescréance a vers sa serur,
Si l’a mist à resun un jur :
Page:Marie de France - Poésies, éd. Roquefort, I, 1820.djvu/304
Cette page a été validée par deux contributeurs.
288
LAI D’YWENEC.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page304-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)