Quant il les ot appareilliées,
Et ès chiés devant estochier,
Sor la fenestre les ad mises,
Bien serrées è bien assises,
Par ù li Chevaliers passeit,
Quant à la Dame repereit.
Hé ! Diex, qu’il ne le set ou voit,
É la traïsun n’aperçoit.
El demain à la matinée,
Li Sires liève à l’ajurnée,
E dit qu’il veut aler chacier ;
La Vielle le vet cunvoier.
Puis se recuche pur dormir,
Car ne pooit le jur choisir.
La Dame veille, si atent
Celui qu’elle aime loyaument.
Et dit c’or porroit bien venir
Et estre od lui tut à lésir.
Si tost cum el l’ot demandé
N’i a puis guères demuré ;
En la fenestre vint volant,
Mès les broches furent devant.
L’une le fiert parmi le cors,
Li sans vermalz en sailli fors ;
Quant il se seust à mort navrez,
Desore sor euls est entrez,
Devant la Dame el lit descent,
Page:Marie de France - Poésies, éd. Roquefort, I, 1820.djvu/310
Cette page a été validée par deux contributeurs.
294
LAI D’YWENEC.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page310-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)