Que tut li drap en sunt sanglent ;
El voit le sanc è la plaïe
Mut angoissement s’esmaïe.
Il li a dit : Ma duce amie,
Pur vus pert-jeo ainsi la vie :
Bien le vus dit qu’il avendreit,
Vostre semblans vus occireit,
Quant ele l’oï, si chiet pasmée,[1]
Tute fu morte une liuée ;
Il la cunforte ducement,
E dit que deulz ni vaut néent
Que de li est grosse d’enfant.
Un filz aura preus è vaillant,
Icil la recunfortera,
Iwenec noumer le fera :
Cil vengera et el et li,
Il ocira son anemi ;
Il n’i poït demurer mès,
Car la plaïe sainnoit adès :
A grant dolur s’en est partis,
Ele le seust à mult haus cris,
Par une fenestre s’en ist,
Cest à merveil qu’el ne s’ocist,
Car bien avoit vint piez de haut,
D’Ilec ù el a pris son saut.
Ele estoit nue en sa chemise ;
En la trace du sanc s’est mise,
Qui du Chevalier dégutot,
- ↑ Dans le manuscrit le vers est ainsi écrit :
Quant elle l’oy dont elle chiet pasmée
Le texte est évidemment corrompu.