La Dame est en la ville entrée.
Tuz-jurs après le sanc nuvel,
Parmi le Burc dusc’ au Chastel,
Unques nulz à lui ne parla,
N’ome, ne fame, ni trova.
El palès vint, l’épuiement[1]
De sanc le truva tut sanglant :
En une basse chambre entra,
Un Chevalier dormant truva ;
Nel’ conut pas, si va avant
En une altre chambre plus grant ;
Un lit i truve, nient plus,
Où uns Chevaliers gisoit sus ;
Elle s’en est outre passée
En la tierce chambre est entrée,
Le lit sun Ami a truvé.
Li pécol sunt d’or esméré ;
Ne sai mie les dras prisier,
Les cierges è li chandelier,
Qui nuit è jur sunt alumé ;
Valent tut l’or d’une cité.
Si tost cum ele est là venue,
Li Chevaliers l’a conéue,
Avant ala tute effrée,[2]
E deseur lui chaï pasmée.
Cil la reçoit qui forment l’aime,
Maleuérox suvent se claime ;
Quant del’ pasmer fu trespassée
Page:Marie de France - Poésies, éd. Roquefort, I, 1820.djvu/316
Cette page a été validée par deux contributeurs.
300
LAI D’YWENEC.
