Cette page a été validée par deux contributeurs.
312
LAI D’YWENEC.
E dit de veir que ses Fius fu,
E cum cil vint parler à li,[1]
E cum li Jalox le traï,
E eut l’aventure cuntée,[2]
Sur la tumbe çhaï pasmée.
Voiant eus trestous dévia,[3]
Unques puis un mot ne parla.
Quant voit ses Fix que morte fu
Au Viellart a le cief tolu ;
A l’eur venga la mort sun père,[4]
A un seul cop è de sa mère ;
Luès que ce fu avenu,
E par la cité fu conu,
A honur la Dame unt porté,
El sarcu posée et mussé,
Délés le cors de sun ami ;
Dix lor face bone merci.
Lur Segnur unt fait d’Iwenec,
Ainz que il départist d’illec :[5]
Cist qui cest aventure oïrent,
Lunc-tens après un Lai en firent.
De la plainte et de la doulur
Que cist suffrirent pur amur.