De si que sa guere ait finée,
Puis m’en irai en ma cuntrée,
Kar ne voil mie remaneir,
Si cungé puis de vus aveir.
La Pucele li respundi :
Amis, la vostre grant merci,
Tant estes sages è curteis,
Bien averez purveu ainceis
Quei vus vodriez fère de mei ;
Sur tute rien vus aim è crei.
Bien s’estéent aséuré,
A cele feiz n’unt plus parlé.
A sun ostel Eliduc vet,
Mut est joius, mut ad bien fet,
Sovent peot parler od s’Amie,
Grant est entre eus la druerie.
Tant s’est de la guere entremis,
Qu’il aveit retenu è pris
Celui ki le Rei guerréia,
E tute la tere aquita.
Mut fu prisez par sa pruesce,
Par sun sen, è par sa largesce ;
Mut li esteit bien avenu ;
Dedenz le terme ke ceo fu,
Ses Sires l’ot envée quere,
Treis Messages fors de la tere ;
Mut est grevez è damagiez,
E encumbrez, è escilliez.
Page:Marie de France - Poésies, éd. Roquefort, I, 1820.djvu/454
Apparence
Cette page a été validée par deux contributeurs.
438
LAI D’ELIDUC.