Pur ceo que seie vis è seins,
Ma vie est tute entre voz meins.
Cele ot de lui grant amur,
Terme li dune è nume jur.
De venir è pur li mener
Grant déol firent al désevrer.
Lur anels d’or s’entrechangèrent
E ducement s’entrebaisèrent ;
Il est desqu’à la mer alez,
Bon ot le vent, tost est passez.
Quant Eliduc ot repeirez,
Sis Sires est joius è liez,
E si ami, è si parent,
E li autre comunement ;
E sa bone Femme sur tuz,
Qui mut est bele, sage è pruz.
Mès il esteit tuz-jurs pensis,
Pur l’amur dunt il est suspris ;
Unques pur rien que il véist,
Joïe ne bel semblant ne fist.
Ne jamès joïe n’en auera,
Desi que s’Amie verra ;
Mut se cuntient sutivement,
Se Feme en ot le queor dolent,
Ne sot mie que ceo deveit,
A sei méismes se pleigneit.
Ele lui demandot suvent,
S’il ot oï de nule gent
Page:Marie de France - Poésies, éd. Roquefort, I, 1820.djvu/466
Cette page a été validée par deux contributeurs.
450
LAI D’ELIDUC
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page466-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)