Que veut amis, ce veut l’amie
Dunt est boine la compaignie,
S’ele le veut è il l’otreit.
Dunt la druerie est à dreit,
Puisque li uns l’autre desdit,
Ni a d’amors fors c’un despit ;
Assés puet-um amors trover,
Mais sens estuet al’ bien garder,
Douçour è francise, è mesure.
Amors n’a de grant forfait cure,
Loialté tenir è pramettre,
Pur çou ne m’en os entremetre.
La Roine oi parler Graelent,
Qui tant parla curteisement,
S’ele n’éust talent d’amer,
Si l’en estéut-il parler ;
Bien set è voit, n’en dute mie,
Qu’en lui a sens è curteisie.
A lui parla tut en apert,
Sun cuer li a tut descuvert ;
Amis, dist-ele, Graelent,
Jeo vus aim mut parfitement,
Unques n’amai fors mun Seignur,
Mais jeo vus aim de bune amur.
Jeo vus otroi ma druerie,
Soiés amis è jou amie.
Dame, dist-il, vostre merci,
Mais il peut pas estre ensi,
