Se il d’amor la requisist,
Ke volentiers nel’ retenist.
Pluisors l’en requistrent suvent,
Mais il n’en aveit nul talent,
Nus ne pooit aperceveir,
Que il vousist amur aveir,
Pour çou le tienent à péri,
L’estrange gent et si ami.
En la flur de sun meillur pris,
S’en vait li Ber en sun païs[1],
Véer son père, son Segnur,
Sa boune mère è sa sorur,
Ki mult l’aveient desiré ;
Ensemble od eus ad sujurné,
Ceo m’est avis, un meis entier.
Talent le prist d’aler chacier :
La nuit somunt ses Cevaliers,
Ses vénéors et ses berniers[2] ;
Al matin vunt en la forest,
Kar cel déduit forment li plest.
A un grant cerf sont aruté,
E li cien furent descuplé,
Li vénéor curent devant,
Li Damoisiaus s’en va criant.
Son arc li porteit un Vallez,
Sun hansart et sun berserez ;
Traire vossist, se mès éust.
Ains ke d’ileuc se reméust,
Page:Marie de France - Poésies, éd. Roquefort, I, 1820.djvu/70
Apparence
Cette page a été validée par deux contributeurs.
54
LAI DE GUGEMER.