Le texte de cette page a été corrigé et est conforme au fac-similé.
269
DE MARIE DE FRANCE.
De quel heure qu’il avendreit
Que bien è mal feire porreit.
Li Vileins en mèsun ala[1]
La rèsun sa Fame cunta
Qu’il ot oïe de la Serpent ;
Et ele dist hastivement
Que se il sun cunseil velt creir
A mult bun chief en purreit treire[2].
Ocie lou, si fera bien
Puis nel’ creindra de nule rien[3].
En doute en est et en merci,
Bien se deit délivrer de li,
N’aura doute de sun meffet ;
Le pocon[4] li port plain de let
Puis l’a assis à terre jus,
Si se trait un petit en sus
Qant la Sarpenz venra avant
Sa hache poigne bien tranchant
- ↑
Que li avoit dit le Serpent,
Ele respont isnelement
S’il en voloit son conssel fère,
Qu’il en porroit à bon chief trère.