Le texte de cette page a été corrigé et est conforme au fac-similé.
279
DE MARIE DE FRANCE.
Jà est la Soris ma parente ;
Bien ai perdu tote m’antante,
Geo quidoie si haut munter
Or me cunvient à recliner[1]
E returner à ma Nature.
Tès est, dist la Turs, t’aventure,
Va en maisun, è si retien
Que ne woelles pur nule rien
Ta Nature mais desprisier.
Tiex se cuide mut essaucier,
E cuntre sun dreit alever,
Que plus bas cunvient returner.
Mals prisier ne deit nus sun dreit,
Se ce n’est maus quex qe il seit,
Jà ne sauras si lung aler[2],
Qe tu puisses Fame truver
Qi miex soit à tun oës eslite
Que la Sorisete petite.
- ↑
Or voi qu’il m’estuet retorner
Et acliner à ma nature.