Page:Marie de France - Poésies, éd. Roquefort, II, 1820.djvu/371

361

DE MARIE DE FRANCE.

Jà ne volsissent-ils rien prendre.
Ce dit li uns, kar essaions
A bien faire se nus poons,
Par coi nus éussions hennur,
^[a]Car cascuns a de nus paur^[1].
Li autres dit : or oï mervelles
Qant tu tel cuse me cunselles ;10
Di dunc ù nus purions aler,
Gel’ te sai bien, fait-cil, mustrer.
Vez-là ces chans ù la gent soient^[2]
Qui ces jarbes cueillent è loient,
Alumes-i ; si lur aiduns
E les garbes ensanle metuns.
Bien avez dit, cil li respunt ;
Deci au cans venuz en sunt.
Le blé cuillirent è purtèrent,
Mais li Vileins les escrièrent^[3].20
Li uns des Leus a haut pallé
Sun cumpaignun a apellé ;
Vez, fait-il, cum il nus escrient,
Mal nus vuelent, è pis nus dient.

1. Et que nus n’ait de nus poor.

1. Tout le monde a peur de nous.
2. Vois ces champs où les moissonneurs coupent le bled.
3. Crièrent après eux.