Le texte de cette page a été corrigé et est conforme au fac-similé.
485
DE MARIE DE FRANCE.
Requerre le voloit el lieu
Où le cumdampnèrent li Jeu[1].
En Jerusalem en ala,
E en arière repaira
A son seignur le Rei revint
E il volentiers le retint ;
Tut en ordre li ad cunté
De sa vie la vérité,
Conseil lui quist è demanda
De sa vie k’il en loa,
S’il déust moigne devenir,
Ou quel religion tenir.
E li Rei lui ad respondu,
Chevaliers seit si cum il fu :
Ço lui loa-il à tenir
E poeit-il Deu bien servir,
Si fist-il bien tute sa vie
Puis autre ne changa-il mie.
En icel tens issi avint
K’un des Moignes de Cisteus vint,
Que lur Abés i envéa
Par qui à icel Rei manda
- ↑ Il vouloit reconquérir le lieu où les Juifs l’avoient fait mourir.
