De Fortune.
D'en dessirer Robe, et Ceincture,
Crier, et faire telz efforts,
Tout cela ne sert de riens, fors
A plus indigner la nature
De Fortune.
XXVII
Du confict en douleurs
Si j'ay du mal, maulgré moy je le porte,
Et s'ainsi est, qu'aulcun me reconforte,
Son reconfort ma douleur poinct n'appaise:
Voylà comment je languis en mal aise
Sans nul espoir de liesse plus forte.
Et fault qu'ennuy jamais de moy ne sorte,
Car mon estat fut faict de telle sorte,
Des que fuz né. Pourtant ne vous desplaise,
Si j'ay du mal.
Quand je mourray, ma douleur sera morte,
Mais ce pendant mon pauvre cueur supporte
Mes tristes jours en Fortune maulvaise:
Dont force m'est que mon ennuy me plaise,
Et ne fault plus que je me desconforte,
Si j'ay du mal.
XXVIII
Rondeau par contradictions
En esperant, Espoir me desespere,
Tant que la mort m'est vie tresprospere,
Me tourmentant de ce, qui me contente,
[Me contentant de ce, qui me tourmente;]
Pour la douleur du soulas que j'espere.
Amour hayneuse en aigreur me tempere:
