Car, quant le père de famille
Les enquist pourquoy ilz estoient
Ainsi oyseulx, ilz respondoient[1]
Qu’avec luy ne seroient ilz mye
Et que Nemo, sans menterie,
Pour ce jour les avoit louez :
Responsum dederunt ei quia « Nemo nos conducit ». Mathei 20[2].
Pour Dieu, Messeigneurs, or oyez
Dudit Nemo que ce peult estre,
Car il peult bien à plus d’ung maistre
Servir, s’il luy plaisoit le faire.
Sans à nul d’eulx estre contraire :
Nemo potest duobus dominis servire, Mathei 6, et Luce 16[3].
Ne mect pas aussi saint Lucas
De Nemo ung merveilleux cas.
Lequel si[4] nous est demonstrable
Que Nemo fut tant charitable
Qu’à ung povre qui avoit fain
Donna des miettes de pain
Chéans de la table du riche,
Qui tant estoit avar et chiche
Qu’il ne luy en vouloit donner,
Mais cil Nemo abandonner
Luy en voulut piteusement :
Erat quidem pauper cupiens recreari de micis que cadebant de mensâ divitis, et Nemo illi dabat. Luc. 16[5].
Page:Montaiglon - Recueil de poésies françoises des 15e et 16e siècles, tome XI.djvu/351
Cette page a été validée par deux contributeurs.
339
Merveilleux Faictz
