Page:Montaiglon - Recueil général et complet des fabliaux des 13e et 14e siècles, tome I.djvu/232

204

170

fabliau xix

170Et Jehans, qui tint la maçue,
Qui molt ot grosse la cibole,
Felonessement le rebole,
Si que li prestres n’en sot mot ;
Tout coiement, sanz dire mot,
175Avala Jehans le degré.
Et cil, qui cuide avoir son gré
De la dame tout à estor,
Vint à li, se li fet un tor
Si qu’en mi la méson l’abat.
180Et Jehans, qui sor eus s’embat,
Tout belement et sanz moleste
Le fiert à .II. mains en la teste
Si durement de la coingnie,
La teste li a si coingnie
185Li sans et la cervele en vole ;
Cil chiet mors, si pert la parole.
Yfame en fu moult esmarie ;
Jehans jure sainte Marie,
Se sa fame noise fesoit.
190De sa maçue la ferroit.
Cele se test, et cil embrace
Celui qui gist mors en la place ;
En sa cort l’enporta errant ;
Si l’a drecié tout maintenant
195A la paroi de son bercil,
Et puis repère du cortil ;
Dame Yfame reconforta.
Et li autres prestres hurta,
Qui queroit son mal et sa honte ;