Page:Montaiglon - Recueil général et complet des fabliaux des 13e et 14e siècles, tome I.djvu/234

206

230

fabliau xix

230Et Yfame reprent la clef,
Maintenant l’uis li desferma^[1] ;
Et cil, qui folement ama,
Entra en la meson carchiez.
Et sire Jehans est muciez
235Souz le degré et esconssez.
Et cil, qui cuide avoir son sez
De la dame, l’a embrachie
Et sus .I. biau lit l’a couchie.
Jehans le vit, moult s’en corèce ;
240La maçue qu’il tint adrèce ;
Tel cop li done lèz la temple
Que toute la bouche li emple
De sanc et de çervele ensamble.
Cil chéi mors ; li cors li tramble,
245Quar la mort l’angoisse et destraint.
Et sire Jehans le restraint,
Maintenant le Prestre remporte,
Si le dreça delez la porte :
Quant ce ot fet, si s’en revient.
250Or sai-je bien qu’il me covient
Dire par quel réson Jehans,
Qui molt ot cele nuit d’ahans,
Remist les .II. prestres ensamble :
Se ne le vous di, ce me samble,
255Li fabliaus seroit corrompus.
Jehans fust à mal cul apus,
Ne fust uns sien nièz, Estormis,
Qui adonc li fu bons amis,
Si com vous orrez el fablel.

1. 231 — defferma, lisez desferma.