Qu’aussi roont ne le féist
Com s’il fust fèz à droit compas.
Et des mailliaus ne di-je pas
Qui li sont au cul atachié,
Qu’il ne soient fet et taillié
Tel com a tel ostil covient.
Tozjors en aguisant se tient
Por retrère delivrement,
Et fu rebraciez ensement
Come moines qui jeté aus poires,
Ce sont paroles toutes voires,
Rouges come oingnon de Corbueil[1] ;
Et si avoit si ouvert l’ueil
Por rendre grant plenté de sève,
Que l’en li péust une fève
Lombarde irès parmi lancier
Que jà n’en lessast son pissier,
De ce n’estuet-il pas douter,
Ne que une oue à gorgueter
S’ele éust mengié un grain d’orge.
Li vallés, qui maintient la forge
D’une part avoec son seignor,
Ne péust pas trover meillor
En la vile de ce mestier.
Bien ot esté .I. an entier
Avoec le fèvre li vallés,
Que de lui servir estoit prés.
Un jor avint qu’il fu à roit,
Et que son vit fort li tendoit ;
Ses sires le trova pissant,
- ↑ 33 — « Corbueil », « Corbeil » (Seine-et-Oise).
