Page:Montaiglon - Recueil général et complet des fabliaux des 13e et 14e siècles, tome III.djvu/241

La bibliothèque libre.
Le texte de cette page a été corrigé et est conforme au fac-similé.
140
231
du bouchier d’abevile

Or oiez[1] que li bouchiers fîst :
Si[2] coiement .I. mouton prist
Que[3] li paistres ne s’en perçut ;
Bien l’a engingnié et deçut.[4]
115Maintenant à son col le rue ;
Par mi une foraine rue
Revient à l’uis le prestre arriere,[5]
Qui mout fu fel[6] de grant maniere,
Si comme il dut clorre la porte,[7]
120Et cil, qui le mouton aporte,
Li dist : « Sire, cil Dieus vous saut.
Qui sor toz hommes puet et vaut ! »
Li doiens son salu li rent ;
Puis li demande isnelement[8] :
125« Dont es tu ? — D’Abevile sui ;
A Oisemont au marchié fui ;
N’i achetai que cest[9] mouton.
Mès il[10] a mout cras le crepon ;
Se anuit[11] mès me herbregiez.
130Que bien en estes aaisiez,[12]
Je ne[13] sui avers ne eschars ;
Anuit ert mengie[14] la chars
De cest mouton, por[15] qu’il vous plaise,
Quar aporté l’ai à malaise. »[16]
135Li doiens pensse qu’il dit voir,
Qui mout goulouse[17] autrui avoir ;
Mieus aime .I. mort que .IIII. vis ;
Dist ainsi, comme il m’est[18] avis :
« Oïl[19] certes, mout volentiers ;
140Se vous estiez ore vous tiers,[20]

  1. ↑ 111 — B, Or orrés.
  2. ↑ 112 — B, Tout.
  3. ↑ 113 — B, K’ains. — C, ne l’aperçut.
  4. ↑ 114 — Après ce vers, B ajoute :

    Qui ne le vit ne mot n’en seut ;
    Li bouchiers au plus tost qu’il peut.

    Et C :

    Ains ne le vit ne ne le sot,
    Et le boucher plus tost qu’il pot.

  5. ↑ 117 — B, Au més le prestre en vient. C, S’en vet chiés le doien(s).
  6. ↑ 118 — fu fel. B, C, ert fiers.
  7. ↑ 119 — B intervertit à tort les mots « clorre » et « la porte ».
  8. ↑ 124 — B, demanda erranment.
  9. ↑ 127 — que cest. B, c’un seul.
  10. ↑ 128 — il. B, chieus.
  11. ↑ 129 — B, C, Sire, anuit.
  12. ↑ 130 — B, Car bien [en] voel estre.
  13. ↑ 131 — ne, B, ni.
  14. ↑ 132 — C, en soit mengié.
  15. ↑ 133 — por. B, mais.
  16. ↑ 134 — B, Caporté l’ai à grant. C, Aporté l’ai à grant.
  17. ↑ 136 — goulouse. C, couvoite.
  18. ↑ 138 — B, Ensi con moi en est. — « Dist » manque à C.
  19. ↑ 139 — Oïl. B, Oie. — C, « Certes, » fet il.
  20. ↑ 140 — C, Mès que vous y fussiez vous tiers.
Récupérée de « https://fr.wikisource.org/w/index.php?title=Page:Montaiglon_-_Recueil_général_et_complet_des_fabliaux_des_13e_et_14e_siècles,_tome_III.djvu/241&oldid=14152402 »