Page:Montaiglon - Recueil général et complet des fabliaux des 13e et 14e siècles, tome III.djvu/278

268

170

fabliau lxxxvii

Là où cil li ot terme mis.
Li Freres, cui li anemis
Contraint, et semont, et argue,
Oui grant joie de sa venue ;
145En l’ordre la fist resouvoir,
Bien sot ces Freres desouvoir.
La robe de l’ordre li done,
Et li fist faire grant corone,
Puis la fist au moutier venir,
150Bel et bien s’i^[1] sot contenir,
Et en clostre et dedens moutier,
Et ele sot tot son sautier ;
Et fu bien à^[2] chanteir aprise,
O les Freres^[3] chante en l’esglize
155Mout bel et mout cortoisement ;
Mout se contint^[4] honestement.
Or out damoizele Denize
Quanqu’ele vot à sa^[5] devise ;
Onques son non ne li muèrent :
160Frere Denize l’apelerent.
Que vos iroie ge dizant ?^[6]
Frere Symons fîst vers li tant
Qu’il fist de li touz ces aviaux,
Et li aprist ces geux noviaux,
165Si que nuns nez s’en aparsut.
Par sa contenance desut
Tous ces Freres. Frere Denize
Cortoiz fu et de grant servize ;
Frere Denize mout amerent
170Tuit li Frère qui laians erent ;

1. 150 — s’i. A, se.
2. 153 — à. A, de.
3. 154 — A, O les autres.
4. 156 — A, contient.
5. 158 — Lisez à sa. — B lit Quanque ele.
6. 161-168 — Ces vers manquent dans A.