Le texte de cette page a été corrigé et est conforme au fac-similé.
LX
DE L’ANEL
QUI FAISOIT LES … GRANS ET ROIDES
[par haisiau]
Paris, Bibl. nat., Mss. fr. 1593,
fol. 207 vo à 208 ro.
fol. 207 vo à 208 ro.
aiseaus redit c’uns bons estoit
Un merveilleus anel avoit ;
Tant com il avoit en son doit,
Adès son membre li croissoit.
Un jor chevauchoit une plaigne
Tant qu’il trova une fonteine ;
Descenduz est quant il la vit,
Et lés la fonteine s’asist ;
Si lava ses meins et son vis,
Et son anel qu’il a hors mis.
Quant il li plut, si s’en leva.
Mès l’anel seur l’erbe oublia.
Un evesque par là passoit ;
Si tost com la fonteine voit,
Il descent et trova l’anel ;
Por ce que il le vit si bel,
