Si en seront tenuz pour sot,
Si comme vous pourrez oïr,
Mès que vueilliez .I. pou tesir.
Li vilains tout droit s’en ala
Où le prevost trouver cuida,
Car il savoit bien où il ere ;
Li vilains ne se tret arriere,
Ainz va là où li prevost fu.
Quant dant Fouchiers l’ot conneù,
Tretout li conta mot à mot
Conques n’en failli d’un seul mot
La lecherie qu’il ot faite,
Et li prevolz vers lui s’esploite:
Si le fist .III.jours sejorner
Pour la moquerie conter.
Et quant dant Boivin s’en ala,
Le prevost .XX. soulz li donna,
Et Mabile si fu monstrée
Et par Prouvins de tous moquée
Qui mieus amast estre à Coloigne
Que venu(e) li fust tel(le) besoigne
Pour ce qu’el(le) cuidoit plus savoir
D’omme trichier et decevoir
Par barat et par traïson
Que nulle fame ne nulz hon;
Pour ce di à touz, ce me semble,
Bon larron est qui autre[s] emble.
Cette nouvelle, mise en vers par Imbert, est l’original d’un conte de Boccace (Journ. II, nouv. 5) ; voy. à cet égard Die Quellen des Decamerone de Marcus Landau, p. 39.
A. — Paris, Bibl. nat., Mss. fr. 837, fol. 19 ro à 21 ro.
B. — » » » 19152, fol. 45 ro à 47 ro.
Publié par Barbazan, II, 184, et par Méon, III,
