quant à la circoncision, elle se faict aus maisons privées, en la chambre du logis de l’enfant, la plus commode & la plus clere. Là où il fut, parce que le logis estoit incommode, la cerimonie se fit à l’entrée de la porte. Ils donnent aus enfans un parein & une mareine, comme nous : le pere nomme l’enfant. Ils les circoncisent le huitiesme jour de sa naissance. Le parein s’assit sur une table, & met un orillier sur son giron : la mareine lui porte là l’enfant, & puis s’en va. L’enfant est enveloppé à nostre mode ; le parein le développe par le bas, & lors les assistans, & celui qui doit faire l’opération, commancent trestous à chanter, & accompaignent de chansons toute cete action qui dure un petit quart d’heure. Le ministre peut estre autre que rabbi, & quiconque ce soit d’entre
