Le texte de cette page a été corrigé et est conforme au fac-similé.
VII
So soulendimain sanmedi, Atipa soti, apré doujenein, faut oune tou. Li contré qué Sorossi, bò di café Prince la, la dé flot.
— Mé to, Sorossi, dit Atipa ; dipis qui temps to Cayenne ; côté to soti ?
— Dipis tois jou, réponne Sorossi ; mo soti la Saint-Elie, qué mouché Louc. Et to, to Cayenne longtemps ?
— Mo soti Oyapoc, fait oune prospétion, réponne Atipa ; mé, mo vié Cayenne caba.
— A pou qui moune zòte té ca prospété, doumandé Sorossi ; est-ce zòte fait quichose ?
— Enwa, frè ! réponne Atipa, blangue prend dileau. Mo crai a té pou oune société. To pou ca crai coument ça prospétion yé la, ca déteinne blangue. Ça Moulondeau qui té qué nous. Lò nous pati, ça Loubon qui baille
