oune so, gnanpoint engnin là-sous grainne la, encò. Aussi, lò yé té ca dit to, séson wara, moune savanne ca gras la, compè ! lècole té ca vide.
— La coffe Bouté la, dé jou conça, li plein qué pitit moune. To ca rinq tendé : permantin, lombri dèrhò ; yé ca joué loute landans dileau la.
— Mo trouvé blangue mal fé, di bouché coffe la ; moune Cayenne pas gain, oune côté encò, pou prend bain dileau douce.
— Pitit moune yé la, té ca metté crabe qué lenke, la beinnikié, jou di lanmesse minouit. A té zaffai qui drôle tout ça.
— Yé té c’allé larhaut fò, glissé là-sous lapeau palmisse ; yé té ca joué bassingue, bare, zépingue, boule, toupie, qué grand toupie mouché Hèdè yé la.
— Et soufflé la laie ? Dipis sodat ca anpprendne oune la misique, la casème, toute pitit nègue ca soufflé li en ville. Chef la misique la té wlé mouri, mour pas wlé prend li, di wai li pas capabe joué, pronmiè, oune moceau là-sous la place.
— Athò la, pitit moune ca joué ; mé, pitit moceau. A charadé moune, fimein, yé content. Si ou fion yé nein, dilaite qué soti,
