Le texte de cette page a été corrigé et est conforme au fac-similé.
III
Atipa gain oune compè la Moussénéri yé c’appelé Dorilas. Li té teinmoin mariage di Dorilas. Yé zanmi kou zongue qué lachai.
Kou Bosobio, Dorilas a oune nègue pitit, faibe, macanki.
Ça nègue bitachon qui pas lessé yé batis pou allé la placè, yé ra. Dorilas, a oune di yé. Li pas wlé tendé palé di mine d’ò. Pitête, a pace cannon placè, pas passé beaucoup, la so lariviè.
Et pis so quakié pas gain l’ò. Tête lariviè la, pou ca soti larhaut assez. Ça omune qui fait prospétion bò la, ça grinat, oune so, yé trouvé.
Dorilas a moune qui savé, qui vrai richesse di oune peye, ça plantage, ça batis. Jouq athò placè pencò tenté li. So bitachon òbò crique Paganmou. Li gain poaive, gnanme peye
